كشرى ابو رشاد اللذيذ فى مدرسه الشيخ عبد العزيز

ده موقف من المواقف الجامد جد اللى حصلتلى فى المدرسه بس موقف جامد اوى استمر اربع سنين 6/1/2 الحكايه انى فى يوم من الايام جبت3 اكياس كشرى ليا عادى واحد قالى تبعلى كيس قولتله ماشى قالى بكام قولتله ب 50 قرش زى مانا جايبه المهم اللى معايا فى الفصل ناس قالتلى وانت جاى بكره هتانا معاك وانت جاى بكره جبت الليوم اللى بعده 10 اكياس بعت الواحد ب تمنه ب 50 قرش تانى يوم جبت 20 كيس قالولى بكام قولتلهم ب 75 قرش الواحد قالو ماشى واشترو وميه ميه

وطول التلت سنين شغال من غير ما حد يعرف خالص

سنه 3 اعدادى

دى اللى كان فيها الاجرام والشغل كله

كنت ببيع وكنت موقف حال الكنتين فى المدرسه عندنا الكنتين كان بيبيع فول وطعميه

كانو مش شغالين خالص

المهم مدرس من الكنتين دخل عليا وانا ببيع للعيال

قالى ايه ده قولتله انت شايف ايه قالى ايه ده قولتله اللى انت شايفه

المهم قالى هاتلى معاك بكره علبه معاك قولتله لا مش هجيب

قالى ليه قولتله مش انت عندك الكنتين تحت هات منه اللى انت عاوزه

تانى يوم جبت 50 كيس والله يا جماعه اتباعو فى عشر دقائق

وفى ناس جت تانى ومتلقيتش

وكانو العيال بتهرب من الحصه ويجولى ويشترو منى
والمدرسين علشان كانو بيشتروى منى ساعات كانو بدخلولى العيال بتوع الفصول التانيه

وكل ده للعلم من كشرى مشهور فى الوراق

اسمه كشرى اشرف

كنت بصحى من الساعه 6 الصبح علشان اروحلها بدرى

يعبى الاكياس ويقولى عاوز كام كيس بقوله 50 يقولى والله لتاخد 5 اكياس عليهم زياده علشانك

وكانت الحياه ماشيه كل يوم فى المدرسه واليوم اللى كنت بغيب فيه العيال كانت بتزعل اوى اوى منى وبرضو لما بيجو ياخدو درس عندى بيجيبو منه فى الدرس

اخر شهر بقى

مين بقى اللى زهق منى لما عرف ان الموضوع ده كبر

الكنتين

قالو للمديره

المديره بعتتلى مدرس علشان انزلها نزل

قالتلى انت بتبيع ايه فى المدرسه

قولتلها مش ببيع حاجه راحت ضربانى بالقلم
والله مرتيدش ارد عليها وسكت

راحت جابت الاخصائى الاجتماعى بتاعنا

قالتله هات ورقه واكتب انه كان بيبيع كشرى وممكن يكون ده مسمم ويموت العيال

روحت خليتنى انى امضى عليها انى مش هجيب تانى خالص

وكتبتلى جواب فصل اسبوع كامل

وقالتلى هات ابوك

مع انها عرفاه وعرفانى واخوها اصلا شغال معاه من رجالته فى الاشغالات

المهم طنشتها وجيت بكره عادى ولا اعزنى حصل حاجه خالص طبعا دخلت ومخلتهاش تشوفنى خالص

راحت شافتنى وهيا بتنزل العيال من فوق علشان الطابور

قالتلى فين ابوك وانت جيت ليه

مرتيدش عليها ضربتى جااااااااامد اوى على جسمى

والله زى مابقولكم كده

قولتلها

(انتى اتجننتى)

بنفس اللفظ كده

اسأ لو حتى احمد هندى

علشان ها ظالمه اوى وبتمسكلى على الواحده فى المدرسه

روحت جريت منها وانا بجرى ضربتنى

قولتلها والله لاوريكى وهعرفك انا مين

قالتلى ماشى ماشى

كلمت ابويا على التليفون كان مغلق

رحتله الشغل

جه معايا اول ما شافته

عمى رشاد الرجل الطيب

انا اتجننت قولت ايزاى عرفانى وعرفاه وتضربنى كده

راحت حكتله على كل حاجه ابويا ضربنى قلمين

وقولتلها انا اسف وبوست دماغها

وقالى اطلع على فوق ع الفصل

لما ابويا روح قولتله

هيا كانت عاوزه منك ايه

قالى دى بتاعت مصالح كانت عاوزه مصلحه

اول ما طلعت والله يا جماعه اتلقيت اصحابى كاتبه على الحيطه حمد لله على السلامه يا محمود

وقالو ابو رشاد وصل ابو رشاد وصل

انا قولت ف نفسى هو انا كنت مسجون ولا ايه

هههههههههههههههههههه

تانى يوم والله جبت كشرى لغايه اخر السنه وفى السر ببيع

معلش بقى

(اكل العيش يحكم)

معلش طولت عليكم

ههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههه

حلوه با مجرم الكشري محمود انا عايزه طبق

سورييييييييييي قصدي كيسان pirat

هههههههههههههههههههههههههههههههههه

اللى انتى عاوزه بس الكيس بجنيه

ههههههههههههههه

منوره المحل

انتا كنت بتجيب من عند اشرف

دا حبيبى
انا لازم اجى اكل من عندة
والله لاجى قريب اكل من عندة
وهقولة على حساب بياع الكشرى

هههههههههههههههههههههههه

انت قوله بس محمود رشاد

هيظبطك والله ع طول

منور يا شيكو

اشمعنا شاكر وانا كمان bounce

عضو ماسي العمر : 33 تاريخ التسجيل : 04/05/2008

hhhhhhhhhhhhhhhhhhhhhhhhhh

ya bta3 el kosharyyyyyyyyyyy

da ba2a gamd awy

وانتى كمان يا ندى روحيله

هههههههههههههههههههههههه

شكرا ليكى يا بوسى

منوره المحل

هههههههههههههههههههههههه
وانا كنت بحسبك طيب
ده انت طلعت مجرم حرب

بس عندى سؤال هو الكشرى بيتباع فى كياس من امتى

انا والله طيب بس انا بحب اخدم صحابى واستنفع برده

ههههههههههههههههههههههههه

هو انتى اول مره تسمعى انه بيتباع ف اكياس

لا ده عندنا فيه اكياس وعلب عادى

شكرا لمرورك يا ايمى

منوره

هههههههههههههههههههههههههههههههههههههههههههههههههههههههههههههههههههههههه

محمود انا لو موت من الضحك يبقى انت السبب يبتاع الكشرى

بجد انت فعلا مجرم

انت كنت خطر على العيال

مودى انا عايزة كيس بس كتر الدقه وحط شطه كتيرررررررررررر

واحد كشرى بسرعه وصلحه Razz

هههههههههههههههههههههههههههههههههههههههههههه

شكلك ختى كلمه خطر دى من المديره يا دونا

نفس الكلمه اللى قالتلها المديره

هههههههههههههههههههه

بس الكيس ب جنيه

وهملهولك شطه

عضو ماسي العمر : 37 تاريخ التسجيل : 29/08/2008

ههههههههههههههههههههه
مواقفك جامد يامحمود

عندنا ايطليانو جاااااااااااااامد مووووووووووووت

ههههههههههههههههههههه
متنساش تعمل حسابى معاك بكرة بس ب50 قرش

ههههههههههههههههههههههههههههههههههه

هجيب للمنتدى كله كشرى بكره

شكرا للمرور

عضو ماسي العمر : 39 تاريخ التسجيل : 24/05/2008

هههههههههههههههههههههههههههههههههههههههههههههههههههههههههههه

على فكره يا جماعه

كل الى قاله ده فعلا حصل

واحنا الى شجعناه انو يجيب تانى

وميهموش من اى حد

بس كانت مفجئاه لينا

لان كان هو اول واحد يجراء ويعمل كده

طول عمرك جامد يا حوده

:lol: 8) ههههههههههههههههههههههههههههههههههههههههههههههههههههههههههههههههههههههههه

احمد كان عارف الحوار كله وقالى هات تانى

منور يا احمد

انا عايزة كيس بس كتر الدقه وحط شطه كتيرررررررررررر

هههههههههههههههههههه

ماشى

شكرا للمرور

هههههههههههههههههههههههههههه فعلا ايطاليانو شغال عليه انا وندى بس لما تنزل هههههههههه بس موقف جامد

ههههههههههههههه
موقف جامد يا محمود
واهو برضه بتكسب من الموضوع ده
ههههههههههههههه
بس صحيح هو الكشري بيتباع في اكياس ؟؟؟؟

شكرا لمروكم
منورين

اها عندننا بيتباع فى اكياس

مش عارف انتم مستغربين ليييييه

اصل ايطاليانوا مظبطنا بعلبه الى كل ما نروحوله نلاقيه عامل بيهم شكل نبقى عايزين نسيب الكشرى الى يجنن وناكل العلب عشان كده الكل مستغرب على الاكياس بس يله مش مشكله المهم انك وكلت المفاجيع ولا ايه يا بتوع الدلنجات " ام الحوارات"

انتى كده هتخلينى اروح اجرب ايطاليانوا شكلى هسيب اشرف