مصيف تلات ايام الجزء الاخير

اخيرا

وبعد طول انتظار

اليوم التالت من مصيف تلات ايام

كنا انتهينا اننا نزلنا نتفسح ف خالد ابن الوليد

وما ادراكوا وما خالد ابن الوليد

حيث الزحمه واللصوص

وال(............)

المهم عشيتهم كالعاده

فول وطعميه

زى ما اتعودنا وروحنا البيت

وجينا تالت يوم الفجر نزلنا ع البحر

ولما رجعنا

جينا فطرنا الفطار الطبيعى

فــــــــول وطعميه

وبعد الفطار قلنا احنا لازم نعمل حاجه جديده

مش ممكن كل يوم كده بحر وفول وطعميه وكشرى وخلاص

احنا لازم نعمل حاجات جديده

ده اخر يوم يا جماعه

وقررنتا اننا نعمل انقلاب

طيب يللا هنعمل ايه

بقول لكوا ايه

هو الموبايل ده مافيهوش اغانى؟

لا

طب ما تيجى نحط عليه اى اغنيتين وللا حاجه

منين بس؟

من خالد ابن الوليد

بس طبعا انا زعقت لهم

قلت لهم انتوا عبط؟

الميزانيه لا تسمح

وبعدين احمد باشا

كان مدكن 2 جنيه

راح نزلنا يا عم اى حاجه بال2 جنيه دول

2 جنيه؟

هم اغنيتين

يا عم وماله اتنين اتنين

وحطلنا الاغنيتين

وروحنا

واذا الاغانى بتوش

يا دى النيله

مش كنا جبنا بال2 جنيه حاجه مفيده

يللا مش مهم

طب وبعدين؟

ولانقلاب اللى كنا هنعمله

قلت لهم ولا يهمكوا يا رجاله

انا عندى الحل

وبدون ولا مليم

دخلت المطبخ

ورحت مطلع

حلتين

وكام غطا حله

وكروانه

وطلعنا ف البلكونه

وهاتك يا غنا

وهاتك يتا طبل

وهاتك يا شتيمه من الناس اللى حوالينا

وهاتك يا هبد على البواب

انتوا يا بهايم ياللى جوه

ايه الدوشه دى

واحنا مصدرين الطرشه

ههههههههه

قعدنا نطبل لحد ما تعبنا وجعنا

وبعدين يا جماعه

انا بطنى اتحرقت من الفول والطعميه والكشرى

هنعمل ايه؟

قالوا لى مش انت اللى معاك الميزانيه اتصرف

وبع فحص وتدقيق

ومراجعه

لقيت ان فيه سيوله

5جنيه بحالها

قلتلهم فرجت يا رجاله

احنا نطبخ بقى انهارده

طبعا كله وافق

نزلنا جبنا مكرونه

وصلصه

وكيش شيبسى عائلى

ودخلت المطبخ

انا وعلوش

يللا يا ابنى هات السمنه

وهات الصلصه

قلب

ولع ع المكرونه

صفى

قلب ده على ده

حط ف الاطباق

يللا بينا؟

يللا تمام؟

مش عارف انا حاسس ان فيه حاجه ناقصه

يا اخى عادى يللا

وجينا ناكل

اتارى

انا نسيت احط حاجه

هى الملحح

هههههه

بس هو مين

والله ما اتبقى منها حاجه

اتلحستتتتتتتتتتتت

وبعد الغدا

نزلنا تانى البحر

بعد الغدا التقيل

وبعدين رجعنا من البحر

نعمل ايه؟؟؟؟

يللا نطبل شويه كمان؟

يللا

طبلنا شويه

وبعدين لقينا نفسنا تعبانين

قلنا خلاص احخنا ننزل نلف شويه

ونيجى ننام عشان نصحى بدرى ونروح

وبعد ما خلصنا لف

قلنا

طبعا لازم نغير العشا

وماله

احنا بدل الساندويتشات

نجيب اكل ونظبت ف البيت؟

وماله

وروحنا معانا الفول والطعميه

بس المره دى فرط

ودخل احمد المطبخ

وطلع بالفول

هو ايه الاسود اللى ف الفول ده يا احمد؟؟

يا عم كل وانت ساكت

طالما مبيمشيش خلاص

على رايك

لا بس فيه طعم غريب

انت حطيت ايه؟

ولا حاجه

كمون وشطه وزيت

وفلفل اسود

اااااااه يعنى ده فلفل اسود؟

ايوه يا رجاله

طب وماله ان كان كده معلش

وطبعا انتو عارفين

اتفررررررررررم

ونمنا

بطننا بتتقطع

بمعنى الكلمه

الظاهر ان الفول مع المكرونه عملوا شغل

بس مش مهم

كيسين فوار ظبطوا العمليه لحد الصبح

وجينا الصبح

لمينا الباقى من الهدوم

ولمينا البواقى اللى فاضله من اجسامنا

ولمينا بعض

وقبل ما ننزل

قلت لهم

استنوا كده احسب فلوس المواصلات

واذا المفاجاه الكبرى











بعد الفحص والتمحيص

لقيت معانا 6 جنيه بحالهم زياده

يا نهااااااااااار

دول كانوا يعيشونا

منك لله

معلش انا هاعوضها لكوا

اخدتهم عند ابو هاشم

وجبتلهم ايس كريم

وروحنا الى بيوتنا

مسروقين

مطحونين

مفلسين

مريضين

مبسوطييييييييييييييييييييييين





تمت بحمد الله

واخيرا انتهى المصيف الذيذ جدا

وشكرا انكوا طولتوا بالكوا عليا وسمعتونى



احمد سامــــــــــــى

ههههههههههههههههههههههههههههههههههههه
لا انت اكيد بتهزر صح
ههههههههههههههههه
دانا حموت من الضحك بجد لا الجزء الاخير دا جامد جدا جدا
ولا الفلفل الى مبيمشيش ههههههههه فكرنى بسمير غانم بس كان بيمشى

تسلم ايدك بجد والله

ههههههههههه
ميرسى على مرورك يا لوله بجد
واسف مره تانيه على التاخير
ومنوره يا بونبونايه المنتدى

لا عادى المهم انك حطيته واننا عرفنا باقى البهدله
ومرسي

بجد جاااااااااااااااااااااااااااااااااااامد
مووووووووووووووووووووووووووووووووووووووت

والله انا اقعده اضحك جامد كده زى العبيطه

انتم اكيد انبسطوا اوى من المصيف ده

بجد تحفه اوى المواقف دى


وهاتك يتا طبل

وهاتك يا شتيمه من الناس اللى حوالينا



تسلم ايدك يا احمد

ههههههههه
ميرسى ع المرور
بسمه وام الشحات
ومعلش بقى يا ام الشحات انك
اتعبطى
بس متهيالى انها مش جديده
هههههههه


الله يرحمك يا بسمه
كنتى غلبانه
ههههههههههه

هههههههههههه
ماشى يا عفركوش

مش جديده ها
ماشى
يوم ليك ويوم عليك

الله ينور يا معلم انا قريت وعمال اضحك والله
بس بجد كانوا يومين تحفه
ايه رايك نكررها تانى السنه دى
بس من غير سرقه
يعنى يكونوا يومين هجص بس
ونعملوا مكرونه انا وانت برده بس المرة دى نحط شطه كتير للرجاله
بجد يا احمد انت فكرتنى باجمل مصيف


بجد بجد شكررررررررررررررررررررررررا

منور يا علوش والله
وواحشنى جدا جدا جدا
وانا والله مستنى انك
تشوف الموضوع وتقول رايك
وطبعا
لازم انشاء الله يتكرر
تانى وتالت وخمسه وتسعين



وده اقل واجب يا ام الشحات
هههههههههه

هههههههههههههههه
جامدة ياحمد
وتستاهل

هههههههههههه
حتى انت يا كمال
والله والله
منور المنتدى

اخص عليك الف خصاية يا احمد يا سامى وانتى كمان يا علوش يا خبر ابيض يا جدعان كسوفتونا منكم لله


بس بجد يا يا احمد المقلب اللى حصل بتاع الشقة دة جامد مووووووووووووووووووووووووووت تسلم يا معلم

hhhhhhhhhhhhhhhhhhhhhhh

7lwa 7lwa 7lwa

ميرسى على المرور الجميل
هيثم
وندى

ايوه يا جدعان يعنى انته استحملته ده كله بس بجد انا كنت هروح فطيس من كتر الضحك مش ممكن يعنى انا جربت اعمل اغرب ما ههههههههههههههه تتخيلوه بس اطلع فى البلكونه وهاتك يا طبل ههههههههههههههههههههههههههههههههههههههههههههههههه

منوه التوبيك
واهلا بيكى معانا
فى المنتدى
ويا ريت تقرى الجزء الاول والتانى كمان
عشان تفهمى الموضوع من اوله

طبعا هو انا هقره التالت من غير الاول والتانى انا قريت القسم ده وقسم كرسيييي العتراف كـــــــــــــــــــــــلــــــــــــــــــــــــــــــــــه وعجبونى مووووووووووووووووووووت

طيب الحمد لله انهم عجبوكى
واهلا بيكى معانا فى المنتدى